A música clásica bótase á rúa en Pontevedra

Seis propostas musicais, en tres días e dous escenarios, a praza da Ferrería e o palco da Alameda. É o que ofrece o programa Clásicas na Rúa, co que esa música tamén estará presente na programación de verán Pontevedra Vívese a partir deste luns.

O Concello destaca que, como o resto da programación estival, Clásicas na Rúa tamén aposta por formacións musicais da contorna e de Galicia, "co obxecto de poñer en valor o talento artístico do país, valorizar a cultura propia e amosar a variedade e pluralidade do sector cultural galego".