Os pilotos de helicópteros antincendios e de salvamento, en folga

Os servizos mínimos son do 100% ►Os paros están convocados pola intención de Babcock de reducir salarios 

Helicópteros en la zona del rescate. DANIEL PÉREZ (EFE)
photo_camera Helicópteros de rescate. DANIEL PÉREZ (EFE)

A folga de pilotos de helicópteros de Babcock —que desempeñan labores de salvamento marítimo e loita contra o lume en Galicia— arrinca este sábado, 18 de maio. A Xunta fixou que todas as aeronaves estean operativas con servizos mínimos do 100%. 

O Sindicado Español de Pilotos de Liñas Aéreas (Sepla), a Asociación Sindical Española de Técnicos de Mantemento Aeronáutico (Asetma) e o sindicato UXT presentou ante a Dirección Xeral do Traballo a convocatoria de até 27 xornadas de folga entre maio e xullo para os traballadores de Babcock —para os pilotos de 18 ao 23 e do 27 ao 30 de maio—, operador de traballos aéreos con helicópteros, mantemento e reparación, ante a intención da empresa de reducir os salarios dos traballadores entre un 13% e un 30%. 

As consellerías de Medio Rural e Mar publicaron as ordes polas que manterán en ambos os casos "integramente" as condicións que establece o contrato, dado o seu carácter "esencial e de emerxencia". 
A Xunta remarca que, a pesar de que "se trata dun conflito laboral alleo ao Goberno galego", ao existir un contrato con esta empresa e tratarse dun servizo esencial ambas as consellerías deben garantir a prestación dos servizos necesarios. 

Previamente, o principal sindicato de pilotos xa explicara que este tipo de operacións realizadas polos 330 pilotos da empresa están "garantidas pola Administración pública cun 100% de servizos mínimos", polo que os paros non terán "impacto real no servizo".

PAROS. Os sindicatos Asetma e UXT explicaron que a decisión de rebaixar os salarios estivo presente nas negociacións do convenio colectivo e posteriormente comunicouse ao comité de empresa, como "unha decisión unilateral", que a compañía ía iniciar un proceso de modificación substancial nas condicións de traballo. 

O Sepla considera que esta rebaixa salarial é unha medida "torpe e inxusta", que non ten en conta a "ineficiencia na xestión de Babcock" nos últimos anos e lembrou a "dificultade" do traballo de pilotos, rescatadores ou médicos que conforman a tripulación de voo dun helicóptero de servizos cruciais para a sociedade como o salvamento marítimo, o salvamento en montaña ou o traslado de enfermos. 

Por iso, os sindicatos presentes no comité de empresa consideran "absolutamente inaceptable" a pretensión da empresa e, após unha reunión no Servizo Interconferencial de Mediación e Arbitraxe (SIMA), convocaron a folga para os días 17, 20, 21, 22, 23, 27, 28, 29 e 30 de maio; os días 3, 4, 5, 6, 10, 11, 12, 13, 17, 18, 19, 25, 26, 27 de xuño e os días 1, 2, 3 e 4 de xullo, cunha duración de 24 horas, mentres que Sepla convocouna para os pilotos entre do 18 ao 23 e do 27 ao 30 de maio. 

Ademais, lembran que Babcock sufriu unha escisión en novembro como consecuencia do 'Brexit', pola que pasou a estar formada por Babcock MCS España, integrada por persoal da área de operacións, e Babcock MCS Fleet, integrada por persoal de mantemento e estrutura. 

Comentarios