Imprimir

Restablecido o tráfico ferroviario 15 horas logo de descarrilar un tren en Viveiro

Redacción / Europa Press | 03 de agosto de 2019

Descarrilamiento del tren Feve en Viveiro. AMA
Descarrilamiento del tren Feve en Viveiro. AMA
Ningún dos 16 pasaxeiros resultou ferido. "Quedou en susto", dixo a alcaldesa

O tráfico ferroviario entre Ferrol e Ribadeo quedou restablecido este sábado pouco antes das dúas da tarde, segundo informou Adif, tras 15 horas de interrupción polo descarrilamento dun tren Feve en Viveiro.

En concreto, a circulación estivo cortada á altura da parroquia de Celeiro despois de que descarrilase un vagón no que viaxaban 16 pasaxeiros, que resultaron ilesos. O accidente foi provocado por un desprendemento de pedras e terra sobre a vía pola que circulaba o tren que cobre a liña Ferrol-Ribadeo, en dirección a esta segunda localidade. 

A saída de vía do vehículo produciuse cara ás nove e media da noite do venres e segundo Renfe non tivo maiores consecuencias ao resultar ilesos todos os pasaxeiros.

A alcaldesa de Viveiro explicou a Europa Press que todo apunta a que o derrube produciuse no "mesmo momento" no que o tren pasaba por esa zona. 

Mentres estivo cortada a circulación, os convois circulaban ata Viveiro con normalidade e despois os pasaxeiros eran trasladados desde ese punto ata Ribadeo "por estrada". 

"Quedou nun susto"
O lugar onde se produciu o suceso é unha "zona de difícil acceso", segundo informaron os servizos de urxencias. Tras o primeiro aviso, o CIAE 112 Galicia puxo a situación en coñecemento da Garda Civil, os Bombeiros, Protección Civil e Policía Local de Viveiro, así como do GES de Cervo e de Protección Civil de Xove. 

Deste xeito, os servizos de urxencia axudaron a saír da vía aos ocupantes do tren e acompañáronos ata a estrada máis próxima, onde todos os pasaxeiros foron recollidos por taxis, enviados por Renfe, ao redor da medianoite. 

"Quedou nun susto", relatou a alcaldesa de Viveiro, quen agregou que, ao producirse o accidente en plena noite, a falta de visibilidade causou "medo" entre os 17 afectados, pero a eficacia dos servizos de rescate axudou a canalizar a situación dunha "forma rápida".
Puede ver este artículo en la siguitente dirección /articulo/galicia/restablecido-trafico-ferroviario-15-horas-logo-descarrilar-tren-viveiro/201908031400211046454.html


© 2021 Diario de Pontevedra

Lepanto 5, Pontevedra

Tlfno: 986 011 100

(Grupo El Progreso)