Un incendio declarado este xoves pola tarde nunha batea en O Grove mobilizou aos servizos de emerxencia. O lume calcinou os aparellos de traballo que estaban almacenados no seu interior, sen que se rexistrase ningún tipo de vertido no mar.
Ocorreu en fronte do Barrio da Virxe das Mareas, uns minutos antes das 19:00 horas. Foi unha persoa particular quen alertaba do incendio ao 112 Galicia.
Acto seguido, desde o CIAE 112 Galicia púxose a situación en coñecemento do Servizo de Gardacostas de Galicia e de Salvamento Marítimo, que mobilizou a Salvamar Sargadelos ata a zona. A
demais, o persoal do 112 Galicia solicitou a intervención dos Bombeiros de Ribadumia, de Urxencias Sanitarias de Galicia-061, da Policía Local, do Servizo Municipal de Protección Civil, da Garda Civil e do GES de Sanxenxo. Segundo os datos facilitados ao 112 Galicia, o incendio quedou sufocado ao redor das 20:30 horas.
