O Consello da Xunta aprobou este xoves a declaración como Festa de Interese Turístico da romaría do Corpiño de Lalín.
Outras cinco celebracións adquiriron esta categoría, que permite acceder á axudas da Xunta para impulsar a súa promoción co obxectivo de contribuír a reforzar "a autenticidade de Galicia como destino". Son a Romería de Santa Marta de Ribarteme en As Neves, a Festa dos Fachós en Castro Caldelas, a Feira da Tenreira Galega en Láncara, a Festa da Vendima en Leiro e a Festa da Carballeira en Zas.
Con estas declaracións, Galicia conta xa con máis de 150 festas de interese turístico, tanto de tipo autonómico (131), como nacional (11) ou internacional (12).
