Os Xesteira ofrecerá o 19 de decembro un concerto no Teatro Principal dentro do ciclo Músicas para recrear, que promoven a Vicerreitoría do campus de Pontevedra e a Concellería de Universidades co obxectivo de "promover un achegamento do público a múltiples estilos e tendencias musicais".
O concerto comeza ás 21.00 horas. A entrada é libre e gratuíta ata completar cabida.
Os Xesteira está formado por "Xaquín Xesteira, un dos fundadores de Treixadura, ademais de profesor da Escola Municipal de Vigo de Música Folk e Tradicional, e os seus fillos Anxo e Roi, ao acordeón e o bombardino, respectivamente".
