O festival Río Verbena Fest celebrará a súa segunda edición na explanada do Recinto Feiral de Pontevedra os días 25 e 26 de agosto. Segundo acaba de publicar a organización do evento, Vetusta Morla, SFDK, Trueno e Xoel López serán os cabezas de cartel do evento, que tamén confirmou a presenza de Jenny and the Mexicats, Blanco Palamera e Flecha Valona.
Ademais estarán tamén The Rapants, un dos grupos galegos máis demandados da actualidade e que tamén pasarán polo Surfing the Lérez, e o dúo de DJ Galician Army, que veñen de publicar disco.
O cartel complétase con Certain People, Thom Archi, La Mosca Valiente, Chroma, Desconcerto e Conductores suicidas.