viernes. 21.02.2020 |
El tiempo
viernes. 21.02.2020
El tiempo

O Albergue de Valga rexistrou 4.747 pernoctas de peregrinos durante o ano 2019

Dous camiñantes acceden ás instalacións situadas no Pino.
Dous camiñantes acceden ás instalacións situadas no Pino.
As dúas vías que discorren polo municipio foron utilizadas por 94.649 camiñantes para realizar o desprazamento a Santiago

O albergue de Valga rexistrou durante o ano 2019 un total de 4.747 pernoctas de peregrinos que se dirixían cara a Santiago de Compostela a través do Camiño Portugués ou do Camiño Portugués da Costa. Setembro foi o mes con máis hóspedes, con 751, seguido de agosto (719), maio (708) e abril (698). Os datos reflicten unha repetición da constante de exercicios anteriores: a maior afluencia prodúcese no a primavera e o verán.

As instalacións valguesas, que forman parte da rede pública de albergues de Galicia, xestionada pola Sociedade Anónima de Xestión do Plan Xacobeo. Contan con 78 prazas, distribuídas en tres habitacións, e dispoñen, ademais, de cociña, comedor, duchas con auga quente, almacén de bicicletas, botiquín, calefacción central, sala de reunións, lavandería con lavadora, secadora e tendal, así como un xardín. O prezo da pernocta é de oito euros por persoa e o horario de admisión é de 13 a 22 horas.

As nacionalidades máis habituais entre os peregrinos que elixen o albergue situado no Pino é a alemá, seguida da portuguesa, italiana, estadounidense e holandesa. A presenza de peregrinos españois limítase sobre todo á época estival, especialmente ao mes de agosto.

Segundo a Oficina do Peregrino, no pasado ano foron 94.649 os camiñantes que pasaron por Valga, o que representa o 27,23% do total de persoas que obtiveron a Compostela. Destes, máis de 94.600, 72.357 fixeron o Camiño Portugués, mentres que os restantes 22.292 elixiron o Camiño Portugués da Costa. Estas dúas vías captan cada vez máis camiñantes, e son a segunda e as terceira rutas máis transitadas.

O Albergue de Valga rexistrou 4.747 pernoctas de peregrinos durante...
Comentarios