O trazado da antiga vía do tren entre Vilagarcía e Portas é o itinerario que percorrerán os participantes na segunda edición da Andaina pola igualdade e contra a violencia de xénero, que promove o Concello
Este evento celebrarase o día 24, o prazo de inscrición permanecerá aberto ata o 20, e os interesados poden realizar este trámite a través de dúas vías: chamando ao teléfono 625 482 636 ou enviando unha mensaxe a través do correo electrónico a [email protected].
Anotarse non é unha condición obrigatoria, pero os organizadores recomendan a quen queiran tomar parte nesta actividade que o fagan por dous motivos.
Un estriba en que o Concello lles fará un obsequio como recordo, e quen realicen a ruta tamén contarán con avituallamento (froitas, zumes e barritas enerxéticas). O outro é de carácter práctico, porque por cada 25 participantes está prevista a presenza dun monitor de apoio.
Onte eran máis de 120 os que se inscribiron e a previsión é que a cifra sexa superior a 300, como sucedeu na edición anterior. O percorrido é
Comezará ás 10.00 horas en As Palmeiras e continuará pola Avenida Dona Urraca (a estrada que conduce a Portas) para pasar a ponte sobre o río Chaín e enfilar cara a Azucreira, onde os camiñantes accederán ao trazado da vía férrea ascendendo unha pequena pendente.
Á altura de Godos cambiará por completo o escenario porque a marcha continuará en paralelo ao río Umia cara ás Corticeiras. Se non fallan os cálculos dos organizadores, serán tres horas de camiñata. Os monitores situaranse en varios puntos para atender calquera contratempo que puidese producirse, e estarán en contacto por medio de teléfonos móbiles. Unha ou dúas ambulancias estarán dispoñibles por se nalgún momento fixésese necesaria a participación do persoal sanitario. A media de idade dos participantes na edición anterior foi superior a 60 anos.
