Logo de haberse visto obrigada a suspender a celebración o ano 2021 por mor da covid-19, en Briallos, no municpio de Portas, a comisión de festas volve organizar a romaría dedicada a San Blas, coas limitacións que impón a pandemia para salvagardar a saúde dos participantes. A cita será o día 3 de febreiro.
Unha consecuencia da situación é que os cornechos ou fanchucos de pan, cuxa venda é tradicional na romaría, será realizará dunha forma limitada e estarán envasados e, como en anos anteriores, procederán da Panadería Romai.
A outra é que non se celebrará a unción co aceite, para curar os males da boca e a garganta -unha función que os promotores deste evento tamén atribúen ao pan- aínda que aqueles que queiran utilizalo poderán levalo á súa casa no envase nos que lles será entregado.
Tampouco se instalarán na contorna os habituais postos de venda de polbo ou doutros alimentos, nin haberá verbena nocturna.
O programa queda reducido actos relixiosos na igrexa parroquial. O día 3, as misas rezadas serán ás 10.00 e 11.00, e tamén ás 18.00 e 19 horas. A última será cantada e quen non poidan acceder ao templo poderán seguila desde o exterior porque, haberá megafonía
Actuará durante a mañá un dúo de gaiteiras de A Estrada e pola tarde haberá pasacalles a cargo da charanga OT de Campo Lameiro. Non faltarán os postos de rosquillas, churros, queixos, embutidos, pan, mel, roupa, plantas e árbores froiteiras.
A novena comezou este xoves o 27 e celébrase ás 18.15. O 6 haberá outra misa, ás 10.30 horas.
