O Concello
Terá lugar o vindeiro sábado, con saída desde a zona das Corticeiras e final na fervenza de Segade. Ao longo do traxecto as persoas participantes irán observando e identificando as diferentes especies tanto animais como vexetais presentes nunha contorna natural de enorme valor biolóxico. As persoas interesadas poden apuntarse a través do teléfono 986 540 002 ou do correo [email protected] indicando asunto, nome, DNI e teléfono de contacto.
As grandes protagonistas da xornada serán as libélulas e os ‘cabalos do demo' ou, como Santiago Monteagudo adoita denominar a estas especies: "pequenos dragóns". Monteagudo é un afeccionado experto coñecedor da beira do río Umia e leva anos estudando a súa riqueza biolóxica. O sábado acompañará ás persoas participantes na andaina e guiará os procesos de observación e identificación. Como sinala, as libélulas son especies catalogadas como biomonitores, isto é, que son moi sensibles a cambios nos ecosistemas e que, polo tanto, permiten valorar a calidade da auga e o estado de conservación dun río.
Como explica Santiago Montegudo, responsable tamén do blogue sobre natureza ‘Entre a auga e o aire', "Caldas é un enclave ideal para a vida dás libélulas e vos cabalos do demo". "Tratar dunha conca onde conflúen varios ríos, con pozas, augas bravas, augas calmas e, en definitiva, un ambiente hidrográfico extraordinario e diverso non que estas especies atopan ou ecosistema apropiado para desenvolver ou seu ciclo de vida", sinala. Grazas a estas condicións, Santiago Monteagudo ten rexistrado nas canles fluviais do termo municipal ata 35 das 50 especies que habitan Galicia.
A andaina celebrarase no marco da campaña ‘#Mipueblosinbasuraleza' posto en marcha a través do proxecto ‘Libera!', creado por SEO/ BirdLife en alianza con Ecoembes e en colaboración coa Federación Española de Municipios e Provincias.
