A Xunta comezou este sábado a construción do Centro Integral de Saúde (CIS) de Lalín, que conta cun orzamento de nove millóns de euros e entrará en funcionamento a finais de 2022.
A conselleira de Infraestruturas, Ethel Vázquez, o conselleiro de Sanidade, Julio García Comesaña, supervisaron, acompañados polo alcalde de Lalín, José Crespo, o inicio dos traballos de construción do novo CIS, nun acto ao que tamén asistiu o conselleiro de Cultura, Román Rodríguez.
O Centro Integral de Saúde de Lalín é
O novo edificio estará situado nunha parcela de máis de 15.000 metros cadrados do Alto de Vales. O CIS contará cunha superficie de 5.500 metros cadrados no que se integrarán un Centro de Saúde e un Punto de Atención Continuada.
Nas novas instalacións haberá área asistencial, área pediátrica, especialidades médicas e unidades complementarias, como hospitalización a domicilio, saúde mental, hemodiálisis ou atención á muller.
O obxectivo da Xunta é ofrecer servizos sanitarios de primeiro nivel aos veciños de Lalín, Agolada, Rodeiro e Dozón, ademais de prestar certas asistencias aos veciños de Silleda e Vila de Cruces, beneficiando a máis de 35.000 persoas.
O conselleiro de Sanidade, Julio García Comesaña, destacou a "maior capacidade resolutiva" deste centro, que contará con programas de rehabilitación do chan pélvico, enfermidades músculo-esqueléticas, ou de rehabilitación cardíaca.
Pola súa banda, a conselleira de Infraestruturas asegurou que o CIS de Lalín será un "espazo acolledor, funcional e diáfano", que se completará cunha praza que unirá as dúas entradas públicas ao edificio, unha zona verde e preto de 90 prazas de aparcadoiro, tanto para os pacientes como para o persoal sanitario.
Ethel Vázquez destacou tamén a relevancia sanitaria do novo equipamento, cuxa execución supón tamén un factor de dinamización da economía e do emprego, posto que, indicou, o investimento da Xunta de nove millóns de euros na construción do Centro Integral de Saúde de Lalín leva aparellados preto de 170 postos de traballo do sector da obra pública.
Durante a súa intervención, García Comesaña, puxo o CIS como exemplo do compromiso da Xunta coa atención primaria e recordou que, desde 2009, o Goberno galego investiu máis de 100 millóns de euros na mellora das infraestruturas de atención primaria en Galicia.
Así, os orzamentos da Xunta para este ano duplican a partida de investimentos para Atención Primaria, pasando dos 26 millóns de 2020 aos 55 millóns de euros.
Vázquez destacou que se trata dunha medida moi demandada polo Concello de Lalín e apunto o importante beneficio que suporá para os mozos que se desprazan cada día desde a vila a Santiago e Ourense, así como para as súas familias.
A conselleira de Infraestruturas repasou tamén algunhas das actuacións que teñen en marcha para mellorar a calidade de vida dos veciños de Lalín, entre elas o plan director de saneamento que contará cun tanque de tormentas e unha nova captación de auga no río Deza.