Domingo. 23.09.2018 |
El tiempo
Domingo. 23.09.2018
El tiempo

O comité de crise pola microcistina no Umia aborda que medidas tomar

Os carteis de 'Prohibición permanente do baño' continuaban colocados este luns. GONZALO GARCÍA
Os carteis de 'Prohibición permanente do baño' continuaban colocados este luns. GONZALO GARCÍA

Goberno e oposición de Caldas de Reis celebran este martes a súa primeira reunión formal para acordar posibles propostas de actuación

O gabinete de crise que o Goberno e a oposición de Caldas de Reis acordaron crear para facer un seguimento da problemática xurdida pola presenza de microcistina na auga do Umia ten previsto celebrar este martes a súa primeira reunión formal. O obxectivo, segundo expresou este luns o alcalde, Juan Manuel Rei, é "elaborar propostas de actuación" e instar á Xunta a que tome medidas, xa que "a situación do río non ten máis demora; é moi preocupante", afirmou o rexedor.

Sen querer adiantar os posibles alternativas ao problema, a espera do que acorden no encontro fixado no que o dirixente local ten "especial interese en acadar o consenso", Rei insiste en que "non é normal que catro concellos non poidan facer uso do río no lecer e no que se refire ó abastecemento", tendo en conta que a Consellería de Sanidade mantén desde o pasado día 29 de agosto a prohibición ao baño no Umia ao seu paso por Caldas de Reis. No entanto, e segundo afirmou este luns o propio alcalde, a auga destinada ao consumo arroxa "valores bos".

Rei indicou que na mañá do luns unha técnica da Consellería, acompañada dun homólogo do Concello, visitou a depuradora para revisar a situación da auga e certificou que non existen "maiores contratempos" e esta atópase en condicións de ser utilizada.

PREVENCIÓN DE INCENDIOS. Por outra banda, o rexedor participou este luns nunha reunión na delegación da Xunta en Pontevedra xunto a outros rexedores, que foron informados as condicións do plan de limpeza de franxas para a prevención de incendios forestais.

O Concello elaborará un Plan Municipal de Incendios a través de Protección Civil para poder adherirse ao citado programa. Saiar, Godos e Paradela serán zonas prioritarias.

O comité de crise pola microcistina no Umia aborda que medidas tomar
Comentarios