viernes. 23.08.2019 |
El tiempo
viernes. 23.08.2019
El tiempo

Crespo retoma coa Xunta o proxecto do novo edificio de Medio Rural

Encontro de Crespo e González, no que tamén participaron outros cargos da Consellería. D.P.
Encontro de Crespo e González, no que tamén participaron outros cargos da Consellería. D.P.

O conselleiro traslada ao alcalde de Lalín a intención de abrir a futura Oficina Agraria da Rúa da Ponte o próximo setembro

Na súa rolda de contactos tras a súa toma de posesión, o alcalde de Lalín, José Crespo, reuniuse o pasado martes co conselleiro de Medio Rural, José González, a quen trasladou a súa intención de seguir "loitando" pola construción do novo edificio multifuncional de Medio Rural para centralizar nel todas as oficinas que a Xunta ten na localidade. Trátase dun vello proxecto para o que xa en 2008 asinouse un protocolo de colaboración e que chegou a ser presentado en 2011, pero "por mor da crise, daquela, quedou en stand by", explica o rexedor.

Crespo asegura que o conselleiro, con quen estivo reunido durante máis de dúas horas, "viu con bos ollos" a proposta, que "vai estudar", independentemente de que tamén xestione o traslado da "terceiromundista" Oficina Agraria actual, situada na rúa Areal, ao baixo alugado na Rúa da Ponte. A Xunta prevé abrir esta ao público o próximo mes de setembro. "Quedan algúns detalles, pero indicoume que á volta das vacacións pouco debería faltar para poder abrila", afirma Crespo sobre a conversación con González.

O alcalde deixa claro que "esa oficina é algo temporal, no sentido en que os obxectivos que temos son moito máis ambiciosos", pois pasan pola construción do citado edificio multifuncional. "A oficina da rúa da Ponte é unha solución provisional e, polo tanto, pedimos que se cumpra o compromiso que adquiriu a Consellería no ano 2008", sinala o rexedor. "O conselleiro dixo que ía estudar o tema con agarimo e confío en que nos poida dicir que si", engade.

Crespo: "Pedimos que se cumpra o compromiso que adquiriu a Consellería no ano 2008"

Crespo aproveitou o encontro para pedir ao conselleiro que decrete as concentracións parcelarias de Cristimil, Galegos e Goiás-Xaxán-A Veiga, así como que acelere as de Losón, Anzo, Bermés, Madriñán, Méixome, Noceda e Sello.

Crespo retoma coa Xunta o proxecto do novo edificio de Medio Rural
Comentarios