jueves. 21.01.2021 |
El tiempo
jueves. 21.01.2021
El tiempo

Cuntis logra aprobar o Plan de Mobilidade sen contar con ningún voto en contra

Imaxe da Praza do Ferrol, no núcleo histórico da localidade. DP
Imaxe da Praza do Ferrol, no núcleo histórico da localidade. DP
Persegue a prioridade dos viandantes e expón solucións destinadas a mellorar a calidade de vida dos veciños

Cuntis aprobou definitivamente o Plan de Mobilidade Urbana Sostible sen ningún voto en contra: PSOE e Veciñanza déronlle o visto e prace e o PP abstívose. O alcalde, Manuel Campos, cualificou a actitude desta formación de "rabecha", e recordou que "non se presentou á comisión de traballo nin formulou, non momento correspondente, ningunha achega ao proxecto". 

Presentar alegacións no trámite de exposición pública, por parte do PP, pretendía "torpedear a aprobación dun Plan que consideramos fundamental en materia de mobilidade e accesibilidade pero, sobre todo, para mellorar a calidade de vida da cidadanía", argumentou o rexedor.

PSOE e Veciñanza sostiveron que o PP "se mantén ancorado non pasado e conserva un punto de vista arcaico en materia de mobilidade". Os dous grupos denunciaron no debate do Pleno no que foi aprobado o documento que o PP tratou de "intoxicar" coa intención de dar prioridade aos vehículos predominio sobre os peóns.

"Tentan xustificar con mentiras unha postura que non sustentase e non teñen reparos en enganar á xente con falsidades, como que a partir de agora se obrigará a ir ao centro médico ou ao colexio a pé", subliña Campos.

O rexedor foi taxativo e alegou que é "un documento técnico que realiza un diagnóstico e ofrece solucións para aumentar a calidade do conxunto da mobilidade, dándolle prioridade ás persoas e á convivencia".

Na súa intervención, invitou ao PP a cambiar "o chip" e recordoulle que "todas as políticas e axudas económicas a nivel europeo camiñan cara unha mobilidade máis peonil, limpa e respectuosa". 

O punto no que se rexistrou unanimidade foi a aprobación do Plan de Acción para o Clima e a Enerxía Sostible, que define os instrumentos para lograr a redución das emisións de dióxido de carbono e doutros gases que provocan o efecto invernadoiro en, polo menos, un 40% en 2030.

Cuntis logra aprobar o Plan de Mobilidade sen contar con ningún...
comentarios