O Sergas non cubriu as vacacións dun dos tres médicos do Centro de Saúde de Cuntis, unha carencia que se suma aos atrasos acumulados pola irrupción da covid-19, denuncia o Concello. "É inaceptable que tras a pandemia teñamos que continuar sufrindo esta desatención sanitaria, froito dous recortes do PP", afirma o alcalde, Manuel Campos.
"Chove sobre mollado", lamentou onte o rexedor ao referirse á situación de "precariedade e desatención, que se repite ano tras ano a pesar das denuncias e reclamacións efectuadas". Campos sinalou que "Cuntis, por desgraza, é un dous maiores exemplos da desintegracións dos nosos servizos públicos de saúde". Son oito días os que teñen que esperar os veciños para unha cita co seu médico, de familia, precisa.
"O Concello considera que estes prazos son absolutamente inasumibles", e advirte de que se a Xunta non reforza o persoal "a situación agravarase ao longo do verán e veremos listas de espera moito maiores e aos nosos veciños sometidos a un estado de incertidume intolerable".
