O condutor dun coche deuse á fuga logo de atropelar a unha anciá de 83 anos en en lugar de Sol, enfronte do supermercado Claudio, en A Estrada. Os feitos ocorreron ás 21.15 horas do domingo e a muller resultou ferida grave. De feito, este luns mesmo tivo que ser intervida debido ás lesións provocadas polo accidente.
A Garda Civil confirma que se están realizando as investigacións pertinentes para identificar ao autor do atropelo. Os familiares da muller pediron axuda a través das redes sociais para localizar ao responsable. Segundo explican, o vehículo saltouse un stop, e cando intentaba esquivar a outro coche, arroxou á muller, que cruzaba a rúa axudada dun andador.
