O cribado poboacional realizado o pasado xoves e venres en Moraña, con case un milleiro de persoas convocadas, saldouse con dous positivos por coronavirus.
Atendendo á información ofrecida pola dirección da área sanitaria de Pontevedra e O Salnés, sometéronse ás probas PCR 573 persoas, das 996 convocadas de 15 a 29 anos e de 40 a 49. A participación situouse así nun 57,53% e a positividade, nun 0,35%.
Mentres, nas probas realizadas con PCR noutro cribado no CEIP Santa Lucía desta mesma localidade pontevedresa non se detectaron positivos. Dos 417 convocados participaron 398 persoas.