domingo. 22.09.2019 |
El tiempo
domingo. 22.09.2019
El tiempo

Díaz denuncia en Silleda a "precarización" dos pilotos de urxencias

Yolanda Díaz, coa empresa Babcock en Silleda. TWITTER
Yolanda Díaz, coa empresa Babcock en Silleda. TWITTER

A deputada de Unidas Podemos di que, mentres, os directivos "sóbense" o soldo

A deputada de En Común-Unidas Podemos, Yolanda Díaz, desprazouse este xoves para reunirse con membros da tripulación da base de incendios en Silleda -da empresa Babcok- e denunciar a "precarización e baixada de salarios" dos pilotos de urxencias.

Mentres, advertiu ante as portas da base, á que non puido acceder segundo -denuncia- porque a Xunta "llo impediu", que os directivos subíronse o seu salario "un 27 por cento". Fóra do recinto mantivo a reunión cos traballadores, que están en folga desde o pasado sábado para esixir melloras laborais e salariais.

"Estamos en Silleda solidarizándonos cos traballadores e denunciando a situación de precariedade dos pilotos que son contratados por días e por horas, unhas moi malas condicións para prestar servizos de alto risco", advertiu.

Así, recordou que os pilotos, que realizan labores de salvamento marítimo e loita contra o lume en Galicia, denunciaron o seu convenio colectivo, pero "a multinacional está a presionar para empeorar as condicións laborais e precarizar aínda máis" a súa situación.

"CONSENTIMENTO" DA XUNTA. Yolanda Díaz recriminou que a empresa, co "consentimento da Xunta, que non está a facer nada por defendelo", quere "baixar os salarios dos traballadores mentres as remuneracións do staff aumentaron nun 27 por cento". "Un gobernante que defende ao seu país non podería permitilo", insistiu Yolanda Díaz, quen manifestou que un servizo público nestas condicións de precariedade "é deficitario".

Así mesmo, na súa intervención, tamén recriminou a "actitude autoritaria" da Xunta, que "obrigou a celebrar a reunión cos pilotos fóra das dependencias públicas", porque o vicepresidente da Xunta, Alfonso Rueda, impediulles a entrada", o que -dixo- "mostra o carácter antidemocrático" do Executivo autonómico.

Díaz denuncia en Silleda a "precarización" dos pilotos de urxencias
Comentarios