Dúas persoas resultaron feridas este xoves nunha colisión entre un camión, unha furgoneta e un turismo rexistrada pouco antes das cinco da tarde na estrada EP-8001, no concello de Caldas de Reis.
Nese momento, desde o CIAE 112 deuse aviso aos servizos sanitarios, á Garda Civil de Tráfico, aos Bombeiros de Vilagarcía, ao GES de Padrón, á Policía Local e a Protección Civil de Caldas.
Os axentes que participaron no operativo indicaron que os vehículos implicados no accidente foran un camión, unha furgoneta e un turismo.
As dúas persoas feridas foron trasladadas a un centro sanitario.
Finalmente, desde o CIAE informouse o servizo de mantemento de estradas para restablecer as condicións de seguridade da vía.