A Garda Civil detivo en Caldas de Reis a dous homes residentes en Bizkaia, de 32 e 33 anos, acusados dun suposto delito contra a saúde pública ao ser sorprendidos con estupefacientes nun control de estrada. Os feitos, segundo informou este venres o instituto armado, sucederon a última hora da tarde do pasado mércores nun punto de verificación de vehículos establecido no peaxe da AP-9, en Saiar.
A actitude sospeitosa dos dous ocupantes dun dos vehículos interceptados no dispositivo propiciou que os axentes realizasen unha minuciosa inspección do turismo, onde acharon cen gramos de cocaína que levaban camuflada dentro dun bote de cosméticos escondido nunha mochila que transportaban no interior do maleteiro.
Tanto o condutor como o seu acompañante foron detidos como presuntos autores dun delito contra a saúde pública, por tráfico de estupefacientes e postos en liberdade en sede policial a disposición do xulgado de instrución de garda de Caldas, para que comparezan cando sexan requiridos para iso.