Un voluntario de Protección Civil de Valga foi trasladado este luns ao centro de saúde da localidade tras ser atacado por un can ferido ao que auxiliara.
Os feitos ocorreron ao fío das 11:15 horas, cando voluntarios de Protección Civil de Valga desprazáronse ao lugar de Beiro, en Cordeiro, para socorrer a un can ferido que, ao parecer, un coche golpeara.
Do suceso, o 112 Galicia informou á Garda Civil de Tráfico e á Policía Local. Tamén foron avisados os membros do GES de Padrón.
Os axentes, nada máis chegar ao momento comprobaron que, efectivamente, o can estaba ferido e atado a unha árbore.
Tras recoller ao animal e levar ao compañeiro ata o centro de saúde, os efectivos de Protección Civil deron por finalizada a intervención.