A presidenta de Portos de Galicia, Susana Lenguas, visitou este xoves Valga co obxectivo de avanzar na tramitación do proxecto de construción dun embarcadoiro no río Ulla, que estará situado en Campaña e será destinado, fundamentalmente, ás embarcacións turísticas e de recreo.
A responsable do ente autonómico reuniuse co alcalde, José María Belo Maneiro, para concretar vos últimos detalles do convenio de colaboración entre o Concello e a Xunta para levar a cabo a actuación. Á reunión tamén asistiron os concelleiros Carmen Gómez, Pedro Calvo e Malena Isorna, así como técnicos de Portos e do Concello.
Despois trasladáronse a Campaña para comprobar o lugar no que será executada esta actuación. Trátase dun enclave no que estivo asentado un pequeno porto de carga e descarga vinculado á actividade industrial da fábrica Novo e Sierra.
As obras consistirán na rehabilitación da antiga estrutura portuaria, coa finalidade de fin de permitir a atracada dos catamaráns e outras embarcacións que operan na ría de Arousa e no río Ulla, e ofrecer unha alternativa aos visitantes que visitantes por vía fluvial.
Será acondicionada a zona litoral con pavimento e está prevista a instalación dun pantalán de 42 metros de lonxitude, de madeira e aceiro inoxidable. Ao final da pasarela será colocada unha plataforma flotante de 24 metros de longo e tres de ancho. O embarcadoiro estará dotado con cornamusas de aluminio para o amarre.
Portos de Galicia licitará e financiará este proxecto, que figura en loa Orzamentos da Xunta de Galicia para o ano 2020 cunha partida de 275.000 euros.
