O Concello de Catoira denuncia "un novo acto de vandalismo" rexistrado no Pavillón Municipal de Deportes. Nesta ocasión, subliña que o agravante estriba en que os prexudicados son os nenos, porque foron esnaquizadas unha boa parte das cabazas que os alumnos do CPI Progreso e a Escola Infantil de Dino deixaron no edificio, para recollelas esta tarde e participar na procesión.
O Concello, o centro escolar e a Anpa As Lombas, entidades implicadas na organización do evento, "lamentan profundamente a carencia de escrúpulos das persoas que decidiron acabar de forma cruel co gran traballo e coa ilusión con que os cativos prepararon as súas cabazas para participar no desfile e no concurso".
Para que puidese desenvolverse a actividade prevista, o CPI comprou "cabazas para substituír ás danadas", que foron 35 unidades.
O alcalde, Xoán Xosé Castaño
