O proxecto destinado a deseñar un plan de usos e de actividades na Fervenza de Segade, que se puxo en marcha a mediados do mes de marzo, segue avanzando de acordo ao plan de traballo establecido co obxectivo final de que responda as necesidades e expectativas dos veciños de Caldas de Reis e, ao mesmo tempo, permita pór en valor o patrimonio ambiental, cultural, industrial e paisaxístico na contorna como estratexia de desenvolvemento socioeconómico local.
Coa finalidade de analizar todas as oportunidades e determinar o potencial presente na zona e a viabilidade dos usos, o proxecto baséase desde os seus inicios nun proceso de consulta cidadá, contando coa colaboración de axentes de interese con ámbito de actuación na zona, así como coa constitución dun comité interdisciplinar de expertos, procedentes de diversas áreas de coñecemento, como patrimonio cultural e industrial, paisajismo e arquitectura, economía e turismo, medioambiente e desenvolvemento rural, entre outros.
O comité, que se reuniu por primeira vez co alcalde, Juan Manuel Rei, e o equipo técnico do proxecto o día 13 de maio para comezar coa análise dos resultados previos da consulta cidadá, celebrou unha nova sesión de traballo.
Nesta ocasión, os seus compoñentes visitaron a zona de estudo, guiados polo propio rexedor e co apoio de técnicos do Concello, que achegaron información sobre o terreo en materia de turismo, historia, cultura e urbanismo.
O feito de celebrar a reunión de traballo neste escenario permitiu analizar en profundidade, desde as diferentes perspectivas de coñecemento dos membros que compoñen o comité, as conclusións resultantes da primeira reunión, analizando diversas propostas para a protección paisaxística e a rehabilitación patrimonial do conxunto e estudando diferentes alternativas para o seu desenvolvemento e xestión integral.
Esta nova sesión de traballo permitiu obtén un esbozo máis próximo do plan de rehabilitación que será necesario levar a cabo para, alcanzar os obxectivos que se planeta o Concello de Caldas de Reis coa posta en marcha do proxecto.
Nos próximos días continuarase o proceso consultivo con outras entidades de interese, a fin de fortalecer aínda máis o Plan de Acción, ademais de prever unha terceira reunión do comité interdisciplinar para concluír, desde o punto de vista da súa viabilidade técnica, operativa e económica, cara a que usos deberían dirixirse as seguintes actuacións na zona, e particularmente, na leira adquirida polo Concello de Caldas de Reis.
