A colisión de dous vehículos rexistrada na noite deste domingo no municipio pontevedrés de Forcarei saldouse cunha persoa ferida.
Segundo informou o 112 Galicia, na noite deste domingo tivo constancia dun accidente entre dous vehículos na parroquia de Millarada, en Forcarei. Foron os servizos sanitarios quen avisaron deste sinistro, sobre as 21,15 horas, entre o quilómetro un e dous da estrada PO-536.
Con estes datos, o CIAE-112 Galicia informou ao GES da Estrada, á Garda Civil de Tráfico, a Protección Civil de Forcarei e, por se fose necesaria a súa intervención, aos Bombeiros de Silleda, que finalmente non tiveron que acudir ata o punto.
Finalmente, os axentes desprazados ao lugar confirmaron que unha persoa fora trasladada ao momento de Atención Continuada (PAC) de Cerdedo.
ACCIDENTE EN BERGONDO. Por outra banda, un accidente de moto na localidade coruñesa de Bergondo levou a trasladar a dúas persoas a un centro hospitalario na tarde deste pasado domingo.
O 112 Galicia tivo constancia deste sinistro a través dos servizos sanitarios, que informaron, sobre as 18,45 horas, dun accidente dunha moto con dous feridos na estrada AC-162, ao seu paso polo concello coruñés de Bergondo.
Os xestores do 112 Galicia alertaron á Policía Local de Sada, aos Bombeiros de Betanzos, á Garda Civil de Tráfico e á Policía Local e Protección Civil de Bergondo, que confirmaron o traslado de dous feridos.
