Polo menos un condutor resultou ferido minutos antes das 14.30 horas deste venres nun accidente rexistrado na estrada que une Folgoso con Forcarei, á altura do quilómetro 32. No sinistro, ocorrido nas proximidades da planta de formigón, víronse implicados unha furgoneta, un turismo e un cervo.
O animal impactou contra o parabrisas dun dos vehículos.
Ao lugar desprazáronse efectivos do 061, da Garda Civil de Tráfico e voluntarios de Protección Civil de Forcarei.
