sábado. 19.10.2019 |
El tiempo
sábado. 19.10.2019
El tiempo

A Fiscalía pide oito anos para un home que tratou de matar a outro cun machete

Xulgado de instrución número 2 da Estrada. PATRI FIGUEIRAS
Xulgado de instrución número 2 da Estrada. PATRI FIGUEIRAS
Citouse co outro individuo nun aparcadoiro

A Audiencia de Pontevedra xulgará o vindeiro martes 24 de setembro a un pontevedrés para o que a Fiscalía solicita oito anos de prisión por tratar de matar cun machete a un home co que se citou nun aparcadoiro.

O caso, que procede do Xulgado de Instrución número 2 da Estrada, será xulgado como delito de homicidio en grao de tentativa.

Segundo o escrito de acusación do fiscal, que foi divulgado polo Tribunal Superior de Xustiza de Galicia, o suceso produciuse en decembro de 2015 cando o acusado se citou coa vítima para aclarar un conflito derivado dunha relación de traballo que tiveran meses antes.

No momento que a vítima se achegou á furgoneta na que esperaba o agresor, este actuou segundo o fiscal "con total desprezo" cara á vida do primeiro e, sen mediar palabra, tratou de cravarlle o machete -que tiña un fío de dez centímetros- na cabeza.

A vítima protexeuse co brazo e a arma acabou feríndolle no antebrazo causándolle varios cortes en tendóns e nervios que lle provocaron secuelas que o incapacitan de xeito permanente para exercer a súa profesión de madeireiro.

Ademais da pena de cárcere, o fiscal solicita que a Audiencia de Pontevedra lle impoña unha orde de afastamento ao agresor e que indemnice á vítima con 36.385 euros.

A Fiscalía pide oito anos para un home que tratou de matar a outro...
Comentarios