Efectivos de Bombeiros de Deza sufocaron na tarde deste luns un incendio que destruíu un alpendre no lugar de Pastoriza, en Vila de Cruces.
O lume iniciouse a media tarde e calcinou completamente o inmoble, duns 20 metros cadrados. Afortunadamente non houbo que lamentar danos persoais.
Ao lugar dos feitos achegáronse a Garda Civil, a Policía Local, Protección Civil do municipio e Emerxencias de Lalín, aínda que non foi necesaria a súa intervención.
