Un lume nun taller mecánico afectou a seis vehículos e calcinou por completo a dous deles en Pontecesures, sen chegar a causar danos persoais.
Os feitos sucederon sobre as 2.30 horas deste venres cando o 112 Galicia recibiu o aviso dun incendio no lugar de Redondo. Tras ser avisados, os Bombeiros do Salnés e membros do GES de Valga acudiron ao lugar e puideron controlar as chamas.
Co fin de aclarar as circunstancias do suceso, tamén foron informados os axentes da Garda Civil.
