O concelleiro de Obras de Lalín, Francisco Vilariño, presentou o xoves o proxecto de reforma integral da rúa Wenceslao Calvo Garra para convertela nun viario "onde as persoas e non os coches sexan as protagonistas", dixo.
A intervención conta cun orzamento de 223.311 euros e financiarase con cargo ao Plan Concellos da Deputación. A intención do Goberno local é que as obras estean finalizadas en Nadal.
A rúa pasará a ser de plataforma única e con beirarrúas máis anchas (de tres metros cada unha). Eliminaranse as prazas de aparcadoiro na marxe esquerda en dirección ascendente e colocaranse farois e bolardos con proxección de luz rasante cara abaixo.