Se hai case un mes foi a praia fluvial de Pozo do Boi (Vilatuxe) a que sufriu actos vandálicos, o pasado fin de semana tocoulle ás piscinas exteriores de Lalín. Unha parte do seu peche perimetral foi derrubado e o robot de limpeza dos vasos, desconectado. Ademais, os autores das desfeitas ensuciaron con excrementos os arredores, uns feitos que reprobou o luns a edila delegada de Deportes, Eva Montoto.
O Goberno local fai unha chamada á colaboración veciñal para evitar que se repitan estas condutas e estudará a instalación "dalgún sistema de vixiancia non lugar", avanzou a concelleira.
Tamén o pasado fin de semana, tres colectores de lixo da rúa Nogueiras sufriron danos. Os danos xa foron reparados para o normal funcionamento do servizo.