O Concello de Lalín desenvolverá o programa Lalín Coida, que ten como obxectivo a realización de actuacións para persoas coidadoras sobrecargadas, dependentes e mulleres vulnerables e vítimas de violencia de xénero.
Así o indica a tenente de alcalde e concelleira de Política Social, Paz Pérez, que sinala que iniciarase a próxima semana e levará a cabo ao amparo dunha subvención da Deputación de 9.200 euros, no marco da convocatoria de axudas "extraordinarias dirixidas a concellos de menos de 50.000 habitantes para a prestación de actividades de apoio ás familias para facerlle fronte ao impacto dá covid, desde a estratexia local para a igualdade de oportunidades".
