Unha moza de Caldas de Reis falecía este venres nun accidente rexistrado na AP-9 á altura do viaduto de Portas.
Ao parecer, tras saírse da vía o vehículo que conducía, a muller abandonou o coche polo seu propio pé, momento no que un camión a atropelou, levándose por diante, tamén, o vehículo sinistrado.
O suceso rexistrábase ás 13.31 horas no quilómetro 112 e obrigou a cortar un carril da vía, aínda que a circulación permaneceu fluída a pesar do incidente.
Ao lugar desprazáronse o Ges de Valga, os Bombeiros de Vilagarcía, Tráfico e persoal de Audasa.