A última fase dos traballos arqueolóxicos vinculados ao proxecto de rehabilitación da área urbana de Lalín de Arriba está deparando novos achazgos. Esta intervención finalizou coa escavación dunha parte das tumbas situadas na zona este, e durante as labores foron achadas dúas no sur da parcela, nas que se conservaron restos de polo menos seis seres humanos.
Este descubrimento confirma algo que xa barallaban quen se encargan deste labor, que se trata dunha da necrópole medieval/moderna máis grande das que se coñecen en Galicia, e conta cunhas 55 tumbas.
O tipo de enterramentos é moi sinxelo: son tumbas escavadas sobre o barro ou a roca, que se caracterizan, case todas, pola ausencia de pedras que as delimiten, unha característica que é propia dos cemiterios da Baixa Idade Media.
Ademais, esta nova intervención tamén fixo posible o achado dun pedazo de pedra labrada con decoración vexetal que podería corresponder ao resto dun arco (a clave, concretamente) e foi atopado sobre o pavimento que rodeaba a igrexa.
Dado que o templo actual non é o orixinal, e no lugar que ocupa estivo asentado outro no século X que tiña asociados un mosteiro masculino e outro feminino, tal circunstancia permite interpretar aos expertos que esta peza podería corresponderse coa construción orixinal da igrexa, xa que non quedan restos na superficie. No entanto, precisan que é moi difícil sabelo con seguridade.
Finalizados os traballos de campo e o estudo dos achados, celebrarase unha charla para explicar o proceso e os resultados
A súa decoración é moi habitual durante o período románico e incluso en etapas anteriores, e caracterizábase pola presenza de motivos vexetais.
O Concello de Lalín, que promove esta intervención, sinala que unha vez que finalicen os traballos de campo comezará unha fase de estudo de todos os restos, tanto óseos vos como cerámicos e líticos, para obter a maior cantidade de información posible sobre as orixes de Lalín de Arriba.
Tras esta etapa, e como parte do labor divulgativo dos traballos, será organizada unha charla aberta para explicar o proceso seguido e os resultados obtidos.
Esta intervención está enmarcada Estratexia Edusi Lalín Ssuma 21, cofinanciada nun 80% con fondos Feder mediante o Plan Operativo de Crecemento Sostible, nunha contorna situada na entrada do centro urbano e do Camiño de Inverno. Árbore Arqueoloxía e Restauración Sociedade Cooperativa Galega realiza os traballos.
