Un operario resultou ferido, esta mañá, logo de sufrir unha caída de altura na Avenida Cruces, do concello pontevedrés de Lalín.
A alerta do accidente laboral recibiuse no 112 Galicia, ás once e media, a través da chamada do persoal sanitario.
Na comunicación, informábase de que un home acababa de caer desde unha altura mentres traballaba descargando material, no lugar de Carragoso de Arriba. Desta forma, desde o CIAE-112 Galicia facilitáronselle os datos aos axentes da Garda Civil e da Policía Local e aos membros do GES do municipio.
Finalmente, o 112 Galicia tivo constancia de que o operario necesitou ser trasladado polos servizos sanitarios.