Unha persoa resultou ferida de consideración en Moraña tras caerlle un remolque encima dun brazo nunha leira da súa propiedade.
Así o indicaron os servizos sanitarios de urxencia cando, ás 21,00 horas do mércores, informaron ao 112 Galicia da saída do helicóptero co persoal médico a bordo para este suceso, ocorrido en A Espedregueira, en Gargantáns.
Para colaborar cos profesionais sanitarios os xestores de urxencias solicitaron a intervención dos axentes da Garda Civil e dos voluntarios de Protección Civil da localidade.
Finalmente, a persoa ferida foi evacuada na aeronave ata un centro hospitalario.