A correlación de forzas reflectida nas anteriores eleccións autonómicas mantense en Cuntis, onde o contundente triunfo (por maioría absoluta), alcanzado polo PSOE nas municipais non tivo continuidade onte, porque os seus veciños volveron confiar maioritariamente no PP.
O partido da gaivota déixase atrás 208 votos, pero logrou sumar 1.111, que se converten nun 46,23% do censo, 4,29 puntos menos que na cita de 2016, na que lograra un rexistro de 1.319. Este respaldo supera amplamente en que obtivo nas municipais e marca unha hexemonía incontestable con respecto aos socialistas e ao BNG.
O PSOE foi capaz de convencer a dez veciños máis, un crecemento que é imperceptible e está lonxe das súas expectativas, máis aínda tendo en conta que goberna o Concello. No entanto, ademais de crecer un 2,29%, os 577 votos permitíronlle lograr o seu segundo obxectivo: manterse na segunda posición, que lograron por unha marxe moi estreita.
Logo de perder ao seu único concelleiro, o BNG protagonizou un enérxico ascenso. Os seus 207 votos, que o relegaron á cuarta praza hai catro anos (por detrás de En Marea), convertéronse en 554. Porcentualmente, o seu tirón foi do 15,12%. Galicia en Común (67), Vox (33), Ciudadanos (18) e PACMA, con dez votos, completan a listaxe.
Evolución de candidaturas en Cuntis. XUNTA |
Pontecesures
Seguindo a tónica habitual, o BNG tamén protagonizou un tirón, pasando de 124 a 373 votos, e a consecuencia é que o PSOE (con 216 e 16 máis) foi desaloxado da segunda praza polos nacionalistas. Galicia en Común sumou 47, Vox, 31, Cidadáns once e En Marea, cinco.
Catoira
Este vertixinoso ascenso estivo a piques de darlle a vitoria, que alcanzou de novo o PP con 683, pero á conta de deixarse 132, e o PSOE perdeu 99 sufraxios, quedando relegado á terceira praza con 325. Galicia en Común (44), Vox (24), Cidadáns (18) e PACMA, con nove votos, completan a relación.