Unha persoa tivo que ser trasladada a un centro médico tras ser picada por unha avispa velutina mentres realizaba labores de roza no lugar de Requeixo, na parroquia lalinense de Méixome.
Os feitos rexistráronse este martes ao redor das 17.00 horas. A persoa tocou un niño de avispa asiática coa rozadora do tractor e recibiu unha picadura deste insecto. Posteriormente, perdeu o control do vehículo, que terminou envorcando.
O GES de Lalín acudiu ao lugar para controlar e eliminar o niño. A vítima, que sufría mareos e problemas respiratorios, foi trasladada nunha ambulancia do 061.