A Garda Civil e a Policía local de Cuntis investigan un roubo que se produciu esta pasada noite nas instalacións do parque de maquinaria do Concello de Cuntis, segundo anunciou a propia administración.
Segundo denuncia o Concello nunha nota de prensa, no roubo se subtraeron máis de 500 litros de gasoil das distintas maquinas e o parque sufriu diversos danos, como a ruptura dunha porta de acceso ás instalacións do centro de formación ocupacional.
O roubo perpetrouse na madrugada deste sábado e a alarma saltou a tres e corenta e cinco minutos. Dúas patrullas da Garda Civil desprazáronse ao centro para solicitar probas nunha inspección minuciosa que se prolongo toda a mañá ata as 17.00 horas da tarde, acompañados pola policía local de Cuntis.
O seguinte paso na investigación é a inspección de as imaxes das cámaras de seguridade para tratar de localizar aos autores dos feitos. Tamén se analizan distintos materiais abandonados no lugar.
