Un mozo veciño da parroquia estradense de Callobre, que responde as iniciais L. R. F. E., saíu ileso e polo seu propio pé do turismo que conducía e envorcou na Nacional 640 á altura de Liñares (A Estrada).
O vehículo, un Citroën Xsara, circulaba en dirección á capital de Tabeirós e saíuse da vía. Acabou envorcado por completo sobre a cuneta.
A Garda Civil de Tráfico deu o aviso do accidente a Emerxencias A Estrada ás 15.55 horas deste domingo. Ambos os efectivos traballaron no lugar para regular o tránsito e retirar o turismo.
