Santi Castro ocupará a praza que deixou vacante o concelleiro Tomás Vilariño na Corporación de Lalín. O seu labor como edil do grupo CxL comezará unha vez que finalicen os trámites necesarios para outorgar validez á renuncia presentada polo seu compañeiro de grupo e tamén por Ana Gil, a persoa que á que lle correspondía coller a substitución tendo en conta a súa posición na candidatura, e que descartou facelo xustificando a súa decisión por motivos de índole laboral e persoal.
Santi Castro pertence ao persoal do Parque Intercomarcal de Bombeiros, situada en Silleda, e participou en varios actos de carácter reivindicativo en defensa de interéseos deste colectivo e da mellora das condicións do servizo.
Tomás Vilariño foi o responsable da Concellería de Novas Tecnoloxías e anunciou a súa dimisión o día 26, por motivos de saúde. O edil, de 38 anos de idade, tamén foi o responsable do Área de Tráfico na Administración local lalinense.