O schnauzer miniatura Made in Spain Heru, que pertence a Jacqueline Lasry, de Madrid, alzouse onte como campión da 41ª Exposición Internacional Canina Feira Internacional de Galicia Abanca e a 94ª Exposición Nacional Canina Feira Internacional de Galicia Abanca, as cales se disputaron neste recinto feiral e estiveron organizadas pola Sociedade Canina Galega.
O reserva foi un can de raza carlino de nome Los Chatos del Norte Set Fire to de Rain, de José Luis e Mercedes Santiago Pier, de A Coruña, mentres que o terceiro posto acadouno o samoyedo Samspring León Killer, de Pedro Miguel Da Silva Brito, de Portugal.
En Moi Cachorros o vencedor foi o samoyedo Samspring Dreamaker I'm Legendary, do portugués Pedro Miguel Da Silva Brito, mentres que en Cachorros impúsoxe o can sen pelo mexicano standard Montenegro Arena, da portuguesa Filipa Santos.
En Xóvenes a gañadora foi unha femia de bulldog francés de nome D'Cies Dracarys, propiedade de Luis González Fernández, de Vigo, ao tempo que en Veteranos venceu a spaniel continental enana Snob-Zone African Moon, propiedade de Aurora Arnanz. de Segovia. En Razas Españolas o mellor foi o can da raza gos rater Valencia Ain de El Principado, propiedade de Paulino Junquera.
A mellor Parella foi a composta polos exemplares de english toy terrier Ch Nanozova D.J. Malcom e Ch Nanozova Princess of Norway, propiedade de Mónica Martínez, de Santiago de Compostela.
