Non lles gusta aos taxistas de Caldas de Reis a nova localización da súa parada, situada entre as rúas Real e Igrexa, polo que solicitan que volva situarse nas Palmeiras, pero este colectivo sinala que a súa demanda non foi atendida.
José Alfaya, un dos portavoces dos 14 profesionais, explica que nas Palmeiras melloran as súas condicións porque é "
Agrega o representante do sector que "na nova non hai espazo suficiente para os 14 taxis e, ademais, hai un muro xusto á beira que impide que se abran as portas correctamente". Esta situación complícase máis no caso dos vehículos adaptados para persoas con mobilidade reducida, porque son de grandes dimensións. Por outra banda provoca limitacións na accesibilidade das persoas con mobilidade reducida, e daquelas que sexan usuarias de cadeiras de rodas, sinala.
"Nin en Madrid están na Praza Maior nin en Pontevedra na Peregrina, e en Caldas non van estar na Praza das Palmeiras. Ofrecémoslles todo o pobo para que escollesen e o que queren é perpetuarse nese sitio. A decisión está tomada", respondeu o alcalde, Juan Manuel Rey. Os taxistas anuncian que se concentrarán diante da Casa Consistorial todos os días ás 13:30 horas.
