Un operario foi evacuado polos servizos sanitarios nun helicóptero medicalizado ao sufrir unha caída desde uns catro metros de altura cando traballaba nun tellado na Estrada, no lugar da Carballeira. Atendendo á información do 112, que tivo constancia do accidente ás 12.15 horas, o home precipitouse ao tratar de baixar dunha estada.
A gravidade das lesións levou a mobilizar o helicóptero para trasladar o ferido ao Hospital Clínico Universitario de Santiago. Para prestar apoio ao equipo do 061, tamén se solicitou a colaboración de axentes da Garda Civil e a Policía Local.