A Concellería de Benestar Social e Xuventude, dirixida pola socialista Rosa Fernández, acaba de presentar o programa Cóidate sempre, a través do cal as persoas maiores de Poio terán a posibilidade de retomar as actividades de exercicio físico que tiveron que ser suspendidas fai xa máis dun ano, por culpa da pandemia. Agora, o departamento da Casa Rosada retoma esta iniciativa, ante a mellora dos datos sanitarios no concello, o avance do proceso de vacinación aos maiores, e, sobre todo, a chegada do bo tempo, xa que para respectar en todo momento as medidas hixiénicas e de distanciamento que marcan as autoridades sanitarias desenvolveranse ao aire libre, a condición de que as condicións meteorolóxicas permitan o seu desenvolvemento.
A concelleira indica que as veciñas e veciños participantes deberán utilizar máscara e gardar unha distancia interpersoal. A actividade estará impartida pola monitora Marta Rancaño. A primeira destas citas terá lugar o
Ambas as sesións comezarán ás 11.00 horas. O programa, que será totalmente gratuíto, ten como obxectivo "ofrecer aos nosos maiores pautas que lles servan non só par a manterse en bo estado físico, senón tamén anímico, algo que entendemos que é necesario despois de tantos meses ficando na casa", explica Fernández.
A concelleira manifestou o seu desexo de que "todos e todas as participantes poidan gozar reencontrándose coas súas amizades" cumprindo, iso si, coas esixencias de precaución contra a expansión do virus.
Un par de semanas atrás tamén se retomaron as clases presenciais do programa Saudemente, nos diferentes locais municipais nos que se desenvolvían habitualmente. Na actualidade estes talleres de memoria desenvólvense con grupos reducidos, pero apostando, mentres as condicións o permitan, por unha presencialidade que pode beneficiar aos participantes.
REMANENTE. Por outra banda, o Pleno aprobou o martes por acordo unánime da Corporación a modificación de crédito que permitirá reinvestir unha parte importante do remanente de Tesourería. Trátase dunha medida adoptada por mor da decisión do Goberno central de suspender as regras de equilibrio financeiro e teito de gasto para axudar á reconstrución tras a crise sanitaria. Poio destinará 300.000 euros a comprar o terreo do novo centro de saúde e 200.000 a ampliar o cemiterio de San Xoán, pero tamén reserva unha partida de 100.000 euros que se destinará a axudar aos sectores máis afectados pola situación sobrevinda tras a chegada do virus. Outras actuacións destacadas serán a humanización de Xuviño e da rúa Ramón Aciñeiras e varias melloras viarias e de eficiencia enerxética.