O caso dunha cadela –cruce de labrador– de cinco anos que pasara toda a súa vida encadeada irá a semana próxima a xuízo en Pontevedra para que se analice como un suposto delito leve. A cadela en cuestión, que agora se chama Vega e vive nunha casa de acollida desde que foi recuperada pola Policía Local de Poio e posta en mans da Asociación Amigos da Canceira, foi rescatada o pasado 29 de xuño tras unha denuncia veciñal. Un viandante viu que, dentro da leira na que residía o animal, atado e sen recibir a visita diaria do seu dono, estaba convulsionando. Desde o momento en que se deu a alerta ata que este puido ser atendida (cando o dono se acudiu para abrir a leira e entregar á cadela) pasaron seis horas nas que o animal non deixou de sufrir. De feito, nin sequera o tratamento iniciado de urxencia por un veterinario de Poio, serviu para atallar este mal, que aínda durou 48 horas.
Aínda que o caso de Vega resolveuse en xuño, e pouco despois a cadela xa tiña unha casa de acollida, a súa historia chamou a atención de todos os que a coñeceron. En primeiro lugar, porque ao ser unha actuación de oficio policial acabou en mans da Fiscalía e será sometida a xuízo a semana que vén. Para o dono de Vega piden unha condena por delito de faltas, ao entender que a desatención ao can produciuse na xornada na que enfermou.
O animal levaba cinco anos atado a unha cadea
Ante iso, diferentes testemuños insisten en que os malos tratos era anterior, xa que os animais estaban atados e sos todo o día. De feito, Vega nin sequera era capaz de responder o trato con persoas e presentaba síntomas de abandono talles como o medo aos humanos, ou ser incapaz de saír do transportín no que foi levado á súa casa de acollida por non superar o temor a outros canes.
