A presidenta da Deputación de Pontevedra, Carmela Silva, presentou este mércores en rolda de prensa unha ampla "ambiciosa" programación con visitas teatralizadas e guías didácticas que se vai a desenvolver no Castelo de Soutomaior durante o último trimestre do ano.
O próximo 14 de outubro arrinca a terceira edición das visitas teatralizadas do Castelo de Soutomaior enfocada a un público familiar. Serán dez funcións de aproximadamente 45 minutos que levarán a cabo os días 14, 20, 21 e 28 de outubro, ás 12.00 e as 17.00 horas, e o 4 de novembro, ás mesmas horas a cargo da empresa Troula Animación S.L.
A gran novidade deste ano será a participación da pantasma do castelo, Ol Alemanote. O custo será de 2 euros e o pago realizarase de xeito telemática a través da propia web.
Outra nova iniciativa consistirá na distribución de materiais didácticos en galego, castelán e inglés, para escolares e familias, a partir de novembro.
As visitas ao Castelo creceron nun 110% entre maio e setembro
Por unha banda está a guía para familias, que consiste nun caderno con diferentes xogos relacionados coa musealización en clave de investigación.
INCREMENTO VISITAS. As visitas ao Castelo creceron nun 110% entre maio e setembro. Desde a súa reapertura o pasado mes de maio pasaron xa por Soutomaior 23.000 persoas, só no pasado mes de setembro 4.033 persoas pasaron visitar o castelo.
Para este último trimestre do ano xa hai reservas de visitas guiadas para 31 grupos. Destes grupos programados, 7 deles son centros escolares e 24 son grupos turísticos.
Ademais, e coincidindo co Día Mundial do Enoturismo, en Soutomaior vai ter lugar, en colaboración coa Ruta do Viño, unha cata a cegas.