viernes. 14.05.2021 |
El tiempo
viernes. 14.05.2021
El tiempo

O CEP Plurilingüe Riomaior estrea 'Fálame que te sinto' con outros oito colexios

Unha actividade do centro, en imaxe de arquivo. J.CERVERA
Unha actividade do centro, en imaxe de arquivo. J.CERVERA
Trátase dun concurso para promover a lingua e a expresión oral da mesma

O vindeiro 13 de maio coñecerase o resultado do certame 'Fálame que te sinto', un concurso de oratoria posto en marcha polo CEP Plurilingüe Riomaior de Vilaboa para respostar mediante a promoción do galego e da expresión oral ás limitacións da pandemia.

Nun ano marcado polas estritas normas nos centros e as poucas posibilidades de facer actividades extracurriculares, a este colexio vilaboés ocorréuselle a idea de poñer en marcha un concurso no que promover a lingua e a expresión oral da mesma, da que, sinala o centro, "sendo un dos piares fundamentais da educación e unha ferramenta poderosa para o desenvolvemento das persoas, atopamos moi poucos foros onde se poida desenvolver e desfrutar desta práctica".

O concurso, no que actualmente o xurado está exercendo o seu labor avaliador, estableceu dúas modalidades de participación: individual e en grupo, e tres premios en cada categoría (un smartwatch, un lote de libros, ou material de debuxo e pintura, respectivamente). O convite a participar, que se feixo extensivo a centros de toda a contorna, derivou na inclusión de outros oito colexios na convocatoria. Así, toman parte rapaces e rapazas de entre terceiro e sexto de Primaria dos centros CEIP A Lama, CEIP Santa Mariña, CEIP Reibón, CEIP Seara, CEIP A Guía, CPI Toural, CEIP Sequelo, CEIP A Rúa, CEIP Ardán.

GRAN CALIDADE. Aínda que a idea inicial era poder contar cun acto presencial para o desenlace deste certame, na súa primeira edición, dada a situación sanitaria, é máis probable que o desenlace sexa telemático. Actualmente, os cinco integrantes do xurado analizan os traballos entregados e xa adiantan que a decisión final será difícil, pois "o alumnado participante escolleu temas de moita actualidade e con moita transcendencia pedagóxica como, a homofobia a igualdade e a diversidade. E usaron técnicas e recursos como as sombras chinesas o Kamishibai o croma, recursos da natureza ou animacións".

A idea desta cita, que pretende manterse no futuro, foi apoiada e promovida polo Concello de Vilaboa, a Secretaria Xeral de Política Lingüística, a ANPA e o equipo da Biblioteca do centro.

O CEP Plurilingüe Riomaior estrea 'Fálame que te sinto' con outros...
comentarios
ç