O Concello de Cerdedo-Cotobade deu a coñecer os detalles dunha actuación levada a cabo no Centro Cultural de Cerdedo, que serviu para poñer punto e final coas filtracións de auga e as humidades que se viñan rexistrando nas instalacións.
As obras contaron cun orzamento de 35.000 euros e consistiron na rehabilitación completa da estrutura envolvente e de parte da cuberta para arranxar os danos existentes. Ademais, mellorouse o sistema de pluviais. A Consellería de Cultura achegou a subvención necesaria.